د شهیدانو او معلولینو چارو وزارت اړمنو کونډو او ښځینه معلولینو ته د خوراکي توکو د وېش او چمتو کولو په موخه د افغان ښځو حقوقي خدمتونو (AWRO) مؤسسې سره د همکارۍ هوکړه لیک لاسلیک کړ
یاد هوکړه لیک چې د دې وزارت د پلان، پالیسۍ او بهرنېو اړیکو رئیس محترم ملا صدوخان حق شناس او د افغان ښځو د حقوقي خدمتونو مؤسسې مسؤل محترم سید فرهاد الله عبادي ترمنځ لاسلیک شو، د هغه پر بنسټ به، په کابل ولایت کې (۶۰) تنو اړمنو کونډو او ښځینه معلولینو ته خوراکي مواد او نغدي مرستې ووېشل شي.
د یادونې ده، چې د دې پروژې ټولیز ارزښت (۶) زره امریکایي ډالره کېږي چې د ټولنيزو خدمتونو د تنظیم رياست په همغږۍ پلي شي.
