په کندهار ولایت کې (۲۵۰) تنو یتیمانو، کونډو او معلولینو مرسته ترلاسه کړه
د کندهار ولایت د شهیدانو او معلولینو چارو ریاست د مسؤلینو په هڅو د یو خیریه بنسټ په ملاتړ د (۲۵۰) تنو بي سرپرسته یتیمانو، کونډو اومعلولینو باندي د اختریز جامو او وچې میوې مرستې ووېشل شوې.
په یادو مرستو کې چې د اختر لپاره د نارينه او ښځينه جامې ( کالي. چپلقې، پوړني، بوټونه او همداراز د اختر لپاره وچه میوه) شامل وه ووېشل شوه.
د یادو مرستو څخه یتیمانو، کونډو او معلولینو خوښي وښودله چي د خپلو نغدي مرستو ترڅنګ د مؤسساتو او خیریه بنسټونو د مرستو او همکاریو څخه هم برخمن کیږي او د نړیوالو مؤسساتو او خیریه بنسټونو څخه یې د نورو مالي، خوراکي او غیر خوراکي توکو د مرستو غوښتنه هم وکړه.
د یادونې وړ ده چې دې خیریه بنسټ تر دې وړاندې هم په کندهار ولایت کې یتیمانو، کونډو او معلولینو ته د خوراکي او غيرخوراکي توکو او نغدي مرستو په برخو کې هم مرستې ترسره کړي دي.
د کندهار ولایت د شهیدانو او معلولینو چارو ریاست مسؤلینو د يادې مرستو څخه د مننې ترڅنګ د نورو ورته مرستو او همکاریو پر دوام هم ټینګار کوي.
