په کندز ولایت کې شپږ سوه (۶۰۰) تنو مستحقو کسانو د خوراکي توکو مرستې ترلاسه کړې
د کندز ولایت د شهیدانو او معلولینو چارو ریاست د (HHRD) خیریه مؤسسې سره په همغږۍ پر (۶۰۰) تنو یتیمانو، کونډو او معلولینو باندې خوراکي توکي چې په هغه کې اوړه، وریجې، غوړي، لوبیا، خُرما، چای او مالګه شامل وو، وویشل.
د یادو مرستو د وېش پر مهال د کندز ولایت د شهیدانو او معلولینو چارو ریاست رئیس محترم مولوي نقیب الله سنان د یادې مؤسسې له مرستو مننه وکړه او په نورو خیریه بنسټونو او مؤسسو یې غږ وکړ چې یتیمانو، کونډو او معلولینو ته لازیاتې مرستې برابرې کړي تر څو په ښه توګه د هغوی لاسنیوی وشي.
