په کابل ولایت کې پر سلګونو تنو مستحقو یتیمانو باندې نغدي مرستې ووېشل شوې
د شهیدانو او معلولینو چارو وزارت د یتیمانو د ملاتړ په موخه، د احساس مرستندویه مؤسسې سره په همغږۍ د کابل ښار اړوند په لسمه ناحیه کې پر (۵۳۱) تنو مستحقو یتیمانو باندې نغدي مرستې ووېشلې چې په دې ترتیب هر مستحق یتیم لس زره (۱۰۰۰۰) افغانۍ ترلاسه کړې.
د یادو مرستو د وېش بهیر د شهیدانو او معلولینو چارو وزارت د پروژو د تطبیق څخه د څارنې او ارزونې آمر محترم ملا مطیع الله ابوالمختار، د ټولنیزو خدمتونو د تنظیم ریاست استازو او د مؤسسې مسؤلینو په شتون کې په منظم ډول ترسره شو.
