په ننګرهار ولایت کې پر اته سوه (۸۰۰) تنو مستحقو یتیمانو، کونډو او معلولینو باندې خوراکي توکي وویشل شول
د ننګرهار ولایت د شهیدانو او معلولینو چارو ریاست له لوري د دې ولایت د مرکز او دوه ویشت ولسوالېو پر اته سوه (۸۰۰) تنو مستحقو یتیمانو، کونډو او معلولینو باندې خوراکي توکي چې په هغه کې اوړه، غوړي، وریجې، نخود، لوبیا او بوره شامل وو، په شفاف ډول وویشل شول.
د ننګرهار ولایت د شهیدانو او معلولینو چارو ریاست په پام کې لري چې د دولتي ادارو او خیریه بنسټونو سره په همکارۍ او همغږۍ د روژې مبارکې میاشت کې دې اړمن قشر (یتیمانو، کونډو او معلولینو) ته د مرستو لړۍ جاري وساتي.
