معلولیت لرونکو وګړو ته دې په مختلفو برخو کې فرصتونه برابر شي
معلولیت لرونکو وګړو ته دې په مختلفو برخو کې فرصتونه برابر شي
د شهیدانو او معلولینو په چارو کې د دولت وزارت د نظامي شهیدانو او معلولینو چارو د انسجام مرستیالې صبري اندړ د تخنیکي او مسلکي زده کړو ادارې عمومي رییسې ندیمه سحر سره وکتل او معلولیت لرونکو وګړو ته په مختلفو برخو کې د فرصتونو برابرولو په اړه یې خبرې وکړې.
آغلې اندړ په دندو د معلولیت لرونکو وګړو د ګمارنې، دوی ته د فزیکي لاسرسي، حرفوي زده کړو، نیمه لوړو زده کړو او نابینایانو ته د برېل خط او درسي موادو پر برابرولو تاکید وکړ، زیاته یې کړه، چې د دې قشر د حقوقو د تحقق لپاره باید په هر پلان او برنامه کې ځانګړې پاملرنه وشي.
د تخنیکي او مسلکي زده کړو ادارې رییسې ندیمه سحر معلولیت لرونکي وکړي د ډېر حقوقو او اسانتیاوو مستحق وګڼل وویل چې د معلولینو د درې سلنه ګمارنې د طرحې پر بنسټ یې ډېری معلولینو ته د کار زمینه برابره کړې ده او په دې برخه کې به خپلې هحې نورې هم زیاتې کړي.
آغلې سحر په دوه اړخیزې همکارۍ او ګډ کار د تاکید تر څنګ ژمنه وکړه، چې په یادو برخو کې به معلولینو ته مناسب فرصتونه برابر کړي.
