د یتیمانو، کونډو او معلولینو اړوند د نوي الکټرونیکي سیسټم له چارو څخه په نیمروز ولايت کې څارنه ترسره شوه
د شهیدانو او معلولینو چارو وزارت د ډېټابېس او معلوماتو د سیسټم آمر محترم سید تمیم آغا په مشرۍ یو تخنیکي پلاوي چې محترم حکمت الله بدري، محترم صدیق الله جهاني او محترم منیر احمد شیرزي یې ملتیا کوله، په نیمروز ولایت کې د یتیمانو، کونډو او معلولینو اړوند د نوي الکټرونیکي سیسټم له چارو څخه هر اړخیزه څارنه او ارزونه ترسره کړه.
د دې څارنې په بهیر کې تخنیکي پلاوي د ثبت د بهیر د چټکتیا ستاینه وکړه او د سیسټم د چارو د ښه والي په موخه یې ګټورې سپارښتنې وړاندې وکړې.
همداراز د نیمروز ولایت د شهیدانو او معلولینو چارو رئیس په الکټرونیکي سیسټم کې د ثبت بهیر د لا ښه ترسره کیدو ډاډ ورکړ.
