د کابل ولایت اړوند پر (۲۴۰) تنو مستحقو کسانو باندې د ژمنیو مرستو وېش
د کابل ولایت د شهیدانو او معلولینو چارو ریاست د یتیمانو، کونډو او معلولیت لرونکو کسانو د ملاتړ او د هغوی ورځنیو ستونزو ته د رسیدګي په موخه، د (ZFA)خیریه مؤسسې په همکارۍ پر (۲۴۰) تنو یتیمانو، کونډو او معلولینو باندې ژمنۍ مرستې ووېشلې.
په دې مرستو کې چې د هر مستحق لپاره کمپلې او (۵۶۰) کیلو ګرامه د سون لرګي شامل وو، په عادلانه او منظم ډول مستحقو کسانو ته ووېشل شوې، تر څو د ژمي په موسم کې د هغوی ستونزو ته په ښه ډول رسیدګي وشي.
د یادو مرستو د وېش پر مهال د کابل ولایت د شهیدانو او معلولینو چارو رئیس محترم ملا شیر محمد صمیم، د یاد ریاست آمر محترم ملا محمد نعیم انعام، د (ZFA) خیریه مؤسسې رئیس محترم ډاکټر حمید الدین یولداش او د پروژو څخه د څارنې او ارزونې عمومي مدیر محترم حکمت الله بدري هم شتون درلود.
