د شهیدانو او معلولینو چارو په وزارت کې (۲۰۰) تنو مستحقو کسانو مرستې ترلاسه کړې
د شهیدانو او معلولینو چارو وزارت د یتیمانو د ودې او پرمختګ لپاره د لا ښو امکاناتو او فرصتونو د برابرولو او د هغوی د اساسي اړتیاوو د پوره کولو په موخه، د (ZFA) مرستندويه مؤسسې سره په همغږۍ د کابل ولایت اړوند پر (۲۰۰) تنو یتیمانو باندې شپږ (۶) ډوله خوراکي مواد، د ښوونځي لپاره قرطاسیه باب او همداراز د حفظ الصحې توکي په منظم ډول ووېشل.
د مرستو د وېش پر مهال د پروژو د تطبیق څخه د څارنې او ارزونې آمر محترم ملا مطیع الله ابوالمختار، د یادې مؤسسې رئيس محترم ډاکټر حمیدالدين يولداش او د ټولنیزو خدمتونو د تنظیم ریاست استازي هم شتون درلود
