د شهیدانو او معلولینو چارو وزارت د مالي او اداري چارو عمومي رئیس د مل پلاوي سره په هلمند ولایت کې د وزارت له اړوند ریاست څخه ارزونه وکړه
د مالي او اداري چارو عمومي رئیس ښاغلي مولوي کلیم الله افغان د با صلاحیته پلاوي سره د هلمند ولایت د شهیدانو او معلولینو چارو ریاست له کړنو او فعالیتونو څخه هر اړخیزه ارزونه وکړه.
په دې ارزونه کې د شهیدانو او معلولینو چارو وزارت پلاوي د دغه ریاست د کارکوونکو د ستونزو او غوښتنو له اورېدو وروسته د د یادې ادارې د کارکوونکو عمومي ارزونه وکړه او د خدمتونو د وړاندې کولو د بهیر د لا ښه والي په موخه یې لازمې لارښوونې ورکړې او مراجعینو ته یې د ښو خدمتونو وړاندې کولو د څرنګوالي او د بودیجې پر شفاف ډول مصرفولو ټینګار وکړل.
د هلمند ولايت د شهيدانو او معلولينو چارو رئيس ښاغلي مولوي سيد ولي فاروق (حاجي مستري) د یاد رياست د بوديجې د لګولو پر مخ پرتې ستونزې او ننګونې په ګوته کړې. د وزارت پلاوي د دې رياست د ستونزو او ننګونو د له منځه وړلو په موخه د هلمند ولایت له والي سره وکتل.
د هلمند والي الحاج مولوي عبدالاحد طالب د شهیدانو او معلولینو چارو وزارت راغلي پلاوي ته ښه راغلاست ووایه او په دې ولایت کې د شهیدانو او معلولینو چارو ریاست د ننګونو او په ځانګړې توګه د ځانګړې شوې بودیجې د مصرف په اړه غونډه راوبلله.
والي اړوندو ادارو ته لارښوونه وکړه چې ژر تر ژره د دوې چارې بشپړې کړي، د يادونې وړ ده، چې په دې غونډه کې د هلمند د والي مرستيال مولوي مبارک، د مستوفيت رئيس مولوي عبدالرب حنيف نصري، د امنيې قوماندان حاجي ملا عبدالاحمد فضلي، د استخباراتو رئيس الحاج ابو خالد او د احصائیې او معلوماتو رئیس حافظ محمد رباني هېواد هم ګډون درلود.
د يادونې وړ ده، تر دې وړاندې ښاغلي مولوي کليم الله افغان د مل پلاوي سره د اروزګان او فراه ولايتونو د شهيدانو او معلولينو چارو رياستونو څخه هم ارزونه کړې وه، ټاکل شوې چې یاد پلاوی به د کندهار ولایت د شهیدانو او معلولینو چارو له ریاست څخه هم لیدنه وکړي.
