د شهیدانو او معلولینو چارو وزارت د بشري سرچینو د استخدام په پروسه کې آسانتیاوې را منځ ته شوې
د شهیدانو او معلولینو چارو وزارت د بشري سرچینو رئیس ښاغلي محمد موسی صدیقي د کارکوونکو د استخدام او د هغوي د اسنادو د طی مراحل په پروسه کې د آسانتیاوو د رامنځ ته کولو او په یاده پروسه کې د هراړخیز شفافیت ډاډ ورکړ.
نوموړي زیاته کړه چې د کارکوونکو د استخدام په برخه کې د مرکز په شمول په ټولو ولایتونو کې په یاده برخه کې لازمې آسانتیاوې رامنځ ته شوې چې تر ډیره بریده يې د استخدام شویو کارکوونکو د اسنادو د بشپړولو او طی مراحلو ستونزې حل کړای شوې دي.
د یادولو وړ ده چې د محمد علی حماس په نوم یوتن هیوادوال چې تازه یې د سمنګانو ولایت د شهیدانو او معلولینو چارو ریاست کې تقرر حاصل کړی وو او یاد وزارت ته د خپلو اسنادو د طی مراحلو په موخه مراجعه کړې وه د څو محدودو ساعتونو په موده کې خپل د تقرري اسنادو پروسه تکمیل او د یاد ریاست له خوا د استخدام په پروسه کې د آسانتیاوو د رامنځ ته کولو له امله یې خوښي څرګنده کړه.
