د شهيدانو او معلولينو چارو وزير پوهنمل حمیدالله فاروقی په کونړ ولايت کې د ولس ته د حساب ورکولو غونډه کې ګډون وکړ
د شهيدانو او معلولينو چارو وزير پوهنمل حمیدالله فاروقی په کونړ ولايت کې د ولس ته د حساب ورکولو غونډه کې ګډون وکړ.
د شهيدانو او معلولينو چارو وزير ښاغلي حمیدالله فاروقی نن په کونړ ولايت کې د خپلو لیدنو په ترڅ کې، ولس ته د حساب ورکولو غونډه کې ګډون او د رسنيو له استازو سره یې د وزارت برنامې شریکې کړې.
نوموړي په دغه ناسته کې د کونړ ولایت ولسونو او د رسنيو استازو ته د کونړ ولايت د خپل سفر او راتګ په اړه مالومات ورکړل.
ښاغلي فاروقي د کونړ ولایت له علمي او سیاسي کادرونو یادونه وکړه او یاد ولایت یې د اتلانو ټاټوبی خطاب کړ. ښاغلي فاروقي معلولیت لرونکو وګړو او د شهیدانو وارثینو ته خدمتونه وړاندې کول او له دې قشر سره کومک د ټولو دولتي ادارو مسولیت وباله او زیاته یې کړه، ولس ته حساب ورکول د ښه حکومتولۍ ښکارندویي کوي.
