د آسان خدمت له ادارې سره وزارت د تخنیکي کارکوونکو غونډه
د آسان خدمت له ادارې سره د شهیدانو او معلولینو په چارو کې د دولت وزارت د تخنیکي کارکوونکو غونډه
د مخابراتو او ټکنالوژۍ وزارت د آسان خدمت له اداری سره د همغږۍ په موخه د شهیدانو او معلولینو په چارو کې د دولت وزارت تخنیکي برخې سره مشورتي ناسته ترسره شوه.
د دغې ناستې موخه دا وه چې د بایومیټریک سیستم ساده شي او تر څنګ یې د وزارت ډیجیټلي سیستم یادونه هم وشوه . تر څو د معلولیت لرونکو وګړو او شهیدانو د ورثوو د حقوقو د ورکړې لپاره آسانتیاوې رامنځ ته کړي.
د شهیدانو اومعلولینو په چاور کې د دولت وزارت د نوي بریښنایي سیسټم مسؤل ښاغلي شکرالله ″ اکسیر″ د آسان خدمت د ادارې له استازو سره د وزارت د الکترونیکی برخې اړتیاوې او پرمختګونه د پریزنټیشن په چوکاټ کې وړاندې کړل او د دغې پروژې د لا ښه پرمختګ غوښتنه يې وکړه په دغه ناسته کې د شهیدانو اومعلولینو په چارو کې د دولت وزارت سره د آسان خدمت ادارې خپل ډیری معلومات شریک کړل او زیاته یې کړه چې په نږدې راتلونکي کې به د دغې پروسې کار بشپړ او عملي شي.
دا په داسې حال کې ده چې څه موده وړاندې د مخابراتو او معلوماتي ټکنالوژۍ وزارت د آسان خدمت ادارې د شهیدانو او معلولینو په چارو کې د دولت وزارت د ډیجیټلي او بایومیټریک سیستم د ساده کولو په موخه هوکړه لیک لاسلیک کړ.
