په کندهار ولایت کې (۵۰) تنو مستحقو کونډو ته په کورونو کې د کالیو ګنډلو په برخه کې زده کړې ورکړل شوې
د کندهار ولایت د شهیدانو او معلولینو چارو ریاست د شهیدانو کورنیو د اقتصادي ځان بسیاینې په موخه، د (LOD) خیریه مؤسسې سره په همغږۍ پنځوس (۵۰) تنو مستحقو کونډو ته د خیاطۍ په برخه کې زده کړې ورکړې، همداراز هغوی ته د خیاطۍ د پرمخ وړلو او په کورونو کې د کالیو ګنډلو په موخه اړوند وسایل او ابزار هم په واک کې ورکړل شول.
د کندهار ولایت د شهیدانو او معلولینو چارو ریاست د شهیدانو کورنیو ته ډاډ ورکړ چې په راتلونکي کې به هم د هغوی لپاره لازمې مرستې برابرې کړي ترڅو هغوی د ژوند لومړنۍ اړتیاوې په اسانه توګه پوره شي.
