د پکتیکا ولایت د شهیدانو او معلولینو چارو ریاست لپاره نوی رئيس معرفي او چارې يې پیل کړې
د افغانستان اسلامي امارت د رياست الوزراء عالي مقام د حکم پر اساس او د شهیدانو او معلولینو چارو وزارت د لزوم دید او وړاندیز له مخې محترم مولوي محمد نبي وهاج د پکتیکا ولایت د شهیدانو او معلولینو چارو ریاست د نوي رئيس په توګه د مالي او اداري چارو عمومي رئیس محترم مولوي کلیم الله افغان له لوري کارکوونکو ته رسماً معرفي او خپله دنده یې پیل کړه.
د معرفي په غونډه کې د مالي او اداري چارو عمومي رئیس محترم مولوي کلیم الله افغان، د شهیدانو او معلولینو چارو وزارت د مقام د دفتر رئيس محترم مولوي شاه محمد دوست، د کارکوونکو چارو رئيس محترم مولوي محمد موسی صدیقي، د ولايت مقام د دفتر رئيس محترم مولوي اختر محمد احسانمل او د یاد رياست کارکوونکو حضور درلود.
په دې غونډه کې د مالي او اداري چارو عمومي رئیس او ورسره مل پلاوي یتیمانو، کونډو او معلولینو ته د ښو خدمتونو وړاندې کولو په برخه کې د محترم مولوي محمد نبي وهاج هڅې وستایلې او نوموړي ته یې د لا زياتو بریاوو هیله څرګنده کړه.
د يادونې وړ ده چې محترم مولوي محمد نبي وهاج تر دې وړاندې د یاد ولایت د شهیدانو او معلولینو چارو رئيس او وروسته بیا د شهیدانو او معلولینو چارو په وزارت کې د معلولینو د تثبيت او بایومټریک چارو د آمر په توګه دنده ترسره کوله، چې سپارل شوي مسؤلیتونه یې په بشپړې ژمنتيا او بریالیتوب سره ترسره کړي دي.
