د کابل ولایت پر (۲۵) تنو مستحقو یتیمانو باندې مرستې ووېشل شوې
د شهیدانو او معلولینو چارو وزارت د یتیمانو د اقتصادي ځان بسیاینې په موخه د آلمان هيواد د یوه وګړي په مالي ملاتړ څو میاشتې وړاندې د (۲۵) تنو مستحقو یتیمانو لپاره د خیاطۍ، فلزکاري، د موبایل ترمیم، سولر سیسټم د موټر ترمیم په برخو کې یو کلن پروګرام پیل کړی دی، یادو کسانو ته د مسلکي استادانو لخوا زده کړې ورکول کېږي، نن د یوه پروګرام په ترڅ کې هغوی ته د عامه پوهاوي ورکشاپ ترڅنګ، یو اندازه نغدي مرستې هم ووېشل شوې.
د دې پروګرام پر مهال محترم ملا مطیع الله ابوالمختار د پروژو څخه د څارنې او ارزونې آمر او د ټولنیزو خدمتونو د تنظیم ریاست استازي هم حضور درلود.
محترم ملا مطیعالله ابوالمختار د یتیمانو لپاره د فني او مسلکي زدهکړو د زمینې د برابرولو په پار قدرداني څرګنده کړه او له ګډونوالو څخه یې وغوښتل چې له برابرو شویو فرصتونو څخه په سمه او اغېزمنه توګه ګټه واخلي.
