په پروان ولایت کې (۲۰۰) تنو مستحقو یتیمانو باندې د خوراکي توکو مرستې ووېشل شوې
د پروان ولایت د شهيدانو او معلولينو چارو رياست د شهیدانو کورنيو د ملاتړ او لاسنيوي په موخه، د (HHRD) خیریه مؤسسې سره په همغږۍ د یاد ولایت پر (۲۰۰) تنو مستحقو یتیمانو باندې مرستې چې په هغه کې اوړه، وریجې، غوړي او نور خوراکي توکي شامل وو، په منظم او عادلانه ډول ووېشل.
د مرستو د وېش پر مهال د پروان ولایت شهيدانو او معلولينو چارو رئیس محترم مولوي نیازمحمد هجرت د يادې مؤسسې له مسؤلينو څخه مننه او قدرداني وکړه او له نورو خیریه بنسټونو او مرستندویه مؤسساتو یې وغوښتل چې د دې اړمن قشر لپاره لا زیاتې مرستې چمتو کړي.
