د بغلان ولایت د شهیدانو او معلولینو چارو ریاست لپاره نوي رئیس معرفي او په کار یې پېل وکړ
محترم مولوي احسان الله عابد د ریاست الوزرأ عالي مقام د حکم پر بنسټ او د شهیدانو او معلولینو چارو وزارت د مقام د لزوم دید او وړاندیز پر اساس د بغلان ولایت د شهيدانو او معلولینو چارو ریاست، د نوي رئیس په توګه د شهيدانو او معلولینو چارو وزارت د دفتر رئیس محترم قاري شاه محمد دوست له خوا د دې ریاست کارکوونکو ته ور وپېژندل شو. همداراز په دغه تعرفي غونډه کې د بغلان ولايت د مقام دفتر رٸيس مولوي لعل جان او ځينو نورو مسٸولينو حضور درلود ـ ښاغلي قاري صاحب شاه محمد دوست د تعرف تر څنګ يتيمانو معلولينو او کونډو ته د مساعدتونو مهانو په هکله خبرې وکړې او زياته يې کړه چې بايد د منظورې شوې طرحې موافق مياشتنى مساعدتونه حواله او د رياست اړوند ستونزې او مشورې د وزارت له مشرتابه شريکې کړل شي ـ هغه همدا راز د ځينو شهيدانو له کورنيو سره له نږدې وکتل او يوه اندازه نغدي مرسته يې ورسره وکړه
