د شهیدانو او معلولینو چارو وزارت د الحاقیه ودانۍ د بیارغونې چارې پیل شوې
د شهیدانو او معلولینو چارو وزارت د الحاقیه ودانۍ د بیارغونې چارو د افتتاح په مراسمو کې د یاد وزارت د دفتر رئیس محترم قاري شاه محمد دوست، د بشري سرچینو رئیس محترم مولوي محمد موسی صدیقي، د اطلاعاتو او عامه اړیکو رئیس محترم مفتي فیصل خاموش، د اداري او خدماتو رئیس محترم مولوي سردار محمد حبیب، د مالي او حسابي چارو رئیس محترم قاري محمد امین درویش، د تدارکاتو آمر محترم قاري عبدالباسط، د اداري او خدماتو د څانګې آمر محترم قاري شریف الله ابابیل او د محسن مجیدزارده ساختماني او سرک جوړونې شرکت مسؤل محترم عبدالروف ابراهیمی ګډون درلود.
د یاد وزارت الحاقیه ودانۍ د بیا رغونې چارې چې د محسن مجیدزاده ساختماني شرکت ته سپارل شوې دي په هغه کې د یادې ودانۍ او د احاطې د دیوالونو رنګمالي، د پلې لارو د کانکریټ اچونې، د الکټرونیکي تجهیزاتو نصب کول، د عمومي دروازې جوړول، د زینو د کټارو جوړول، د پي وي سي دروازو جوړول، دسپټیک څاه او د مثمرو ونو د ساتنې په موخه د فنس جالۍ نصب کول شامل دي چې د دریو میاشتو په موده کې به بشپړې شي.
د یادونې وړ ده چې یاده ودانۍ په تیرو پنځه ویشتو کلونو کې ویجاړه او ورڅخه ګټه نه اخیستل کیده چې د اسلامي امارت د واکمنيدو څخه وروسته یې ځینې برخې رغول شوې او د پاتې برخو د بیارغونې چارې یې نن پیل شوې.
