د شهیدانو او معلولینو چارو سرپرست وزير د پیامبر اعظم پياوړتيا روغتيايي مرکز څخه لیدنه وکړه

sadiq_admin
دوشنبه ۱۳۹۹/۱۲/۱۱ - ۱۵:۳۷
س

د شهیدانو او معلولینو چارو سرپرست وزير د پیامبر اعظم پياوړتيا روغتيايي مرکز څخه لیدنه وکړه

نن دوشنبه، د کب په ۱۱مه، د شهیدانو او معلولینو چارو سرپرست وزير پوهنمل حمیدالله فاروقي د پيامبر اعظم پياوړتيا مرکز څخه لیدنه وکړه او د مراجعینو لپاره يې د خدمتونو چټکتیا او ناروغانو ته دې ښې پاملرنې په پار یې د مرکز له چارواکو ، ډاکټرانو او مراجعینو سره خبرې وکړې.

ددې مرکز څخه د ليدنې پر مهال له ښاغلي فاروقي سره د وزارت د نورو چارواکو ترڅنګ، د ملاتړ او خدمتونو وړاندې کوونکي معينيت مرستيالې جمیلې نورستانۍ هم شتون درلود.

ښاغلي فاروقي په داسې حال کې چې ددې مرکز مراجعينو ته يې د معیاري او مؤثره خدماتو وړاندې کولو باندې ټینګار کاوه وویل: د مرکز په عصري تجهیزاتو سمبالول مو کاري لومړيتوب دی او د متخصصو ډاکترانو ګومارنې او نورو روغتيايي برخو کې يې له عامې روغتيا وزارت سره د همغږۍ، همکارۍ زياتول او ګډ کار اړين وبلل.

ښاغلي فاروقي زياته کړه، چې ډاکټران باید د ټولو روغتيايي اصولو مطابق له ناروغانو سره ښه چلند وکړي او د هغوی ستونزو او درملنې ته پر وخت رسيدنه وکړي.

د پیامبر اعظم د پياوړتيا مرکز رییس ډاکټر فضل الله محمدي د مرکز د بېلا بېلو څانګو او ستونزو په تړاو ښاغلي فاروقي ته معلومات ورکړل وويل: اوس هم دغه مرکز د اورتوپيدي، عمومي داخلې، ذهني او رواني، فزيوتراپي، سترګو او غوږونو برخو کې متخصص ډاکتران نه لري او ددې تشې د ډکولو غوښتنه يې وکړه.

د نوموړي په خبره، چې هره ورځ دغه مرکز ته د تداوۍ په موخه لسګونه مراجعين راځي او د ناروغيو تر تشخیص وروسته ناروغان تر لازمې درملنې لاندې نيول کېږي.

په پای کې ښاغلي فاروقي د مرکز د چارواکو، ډاکترانو او مراجعينو د ستونزو، غوښتنو، نظرونو او وړانديزونو تر اوريدو وروسته ژمنه وکړه، چې ددې مرکز د خدمتونو وړاندې کولو د ښه والي او د متخصصينو ډاکترانو د ګومارنې په برخو کې به لازم کار او دوامداره هڅې وکړي.

________________________

تازه ترین اخبار

پنجشنبه ۱۴۰۴/۴/۱۹ - ۹:۲۰
Background image

ارزیابی همه جانبه از روند کاری ریاست امور شهدا و معلولین لغمان

هیئت وزارت امور شهدا و معلولین به سرپرستی محترم مفتي عبدالاحد مسعود رئیس دعوت و ارشاد را که محترم مولوی محمد موسی صدیقی رئیس امور کارکنان و محترم مولوی محمد امین درویش رئیس مالی و حسابی. . .

پنجشنبه ۱۴۰۴/۴/۱۹ - ۹:۱۱
Background image

به (۵۰۰) تن افراد نیازمند در وزارت امور شهدا و معلولین بسته های مواد خوراکی توزیع گردید

وزارت امور شهدا و معلولین به منظور حمایت از ورثۀ شهدا و افراد دارای معلولیت به همکاری یک مؤسسه خیریه برای (۵۰۰) تن ایتام، خانم های بیوه، معلولین و افراد نیازمند کمک های را که شامل شش (۶. . .

سه‌شنبه ۱۴۰۴/۴/۱۷ - ۱۴:۲۲
Background image

توزیع بسته های مواد خوراکی به (۱۰۲) تن از شاگردان برنامه های فنی و حرفوی در مرکز حمایوی ورثۀ شهدا و معلولین

مرکز حمایوی ورثۀ شهدا و معلولین به همکاری مؤسسه (HHRD) برای (۱۰۲) تن از شاگردان برنامه های فنی و حرفوی بسته های مواد غذایی توزیع نمود، این کمک ‌ها شامل شش (۶) قلم مواد غذایی می شد، که. . .

BACK TO NEWS