د نظامي شهیدانو کورنیو ته د ځمکې د وېش په اړه
د نظامي شهیدانو کورنیو ته د ځمکې د وېش په اړه:
ټاکل شوې د ښار جوړولو او ځمکو وزارت د هېواد د نظامي شهیدانو کورنیو ته ۵۵ زره جریبه استوګنیزه ځمکه د نمرو په بڼه ووېشي.
د ښار جوړولو او ځمکو وزارت وزیر ښاغلي جواد پیکار ملت ته د حساب ورکولو برنامه کې وویل، چې د نظامي شهیدانو وارثینو ته د ځمکې ورکولو په موخه یې د تېر یو کال په اوږدو کې ۵.۵ میلیونه جریبه دولتي ځمکه او ۵۰۰ زره جریبه څړ ځایونه سروې او ثبت کړي دي.
دا ځمکې به د جلالتماب جمهور رییس د حکم او د ښار جوړولو او ځمکو وزارت پلان سره سم د نورو اړوندو اداره سره په همغږۍ ووېشل شي او د وېش له پیلیدو سره به د نظامي شهیدانو وارثینو ته خبر ورکړل شي.
په دې اړه نور معلومات به د دې پروسې له نهایي کېدو سره سم ستاسې سره شریک شي.
