د مالي او اداري چارو عمومي رئیس محترم مولوي کلیم الله افغان په هلمند ولایت کې له یو شمېر معلولینو سره نغدي مرسته وکړه
د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان په مشرۍ یو پلاوي چې د معلولینو د تثبیت آمر محترم حافظ عبدالکریم یې ملتیا کوله، په هلمند ولایت کې د (۲۱) تنو هغو مجاهد معلولینو سره چې د تېر شل کلن اشغال پر مهال یې د خپل بدن دوه غړي له لاسه ورکړي وو، له نږدې وکتل، د یادو معلولينو سره یې خواخوږي او همدردي څرګنده کړه، ستونزې او غوښتنې واورېدې او هر مستحق معلول سره یې یو اندازه نغدي مرسته هم ترسره کړه.
د یادونې وړ ده چې محترم مولوي کلیم الله افغان تر دې وړاندې په غزني او زابل ولایتونو کې هم د ځينو معلولینو سره ورته نغدي مرستې ترسره کړې وې.
