د شهیدانو او معلولینو چارو وزارت د یتیمانو د ملاتړ په موخه ژوند د هوساینې او پرمختګ لپاره مؤسسې سره هوکړه لیک لاسلیک کړ
یاد هوکړه لیک چې د شهیدانو او معلولینو چارو وزارت د بهرنېو اړیکو او پلان رئيس محترم ملا صدوخان حق شناس او ژوند د هوساینې او پرمختګ لپاره د مؤسسې مسؤل محترم محمد نعیم روحاني ترمنځ لاسلیک شو، د هغه پر اساس به دوه سوه او دري دېرش (۲۳۳) تنو مستحقو یتیمانو ته په لغمان او ننګرهار ولایتونو کې خوراکي او غیر خوراکي توکي چمتو او ووېشل شي.
د یادونې وړ ده چې د دې پروژې د تطبیق مجموعي لګښت (۲۴) زره او (۴۷۰) امریکایي ډالره دی چې د ننګرهار او لغمان ولایتونو د شهیدانو او معلولینو چارو ریاستونو په همغږۍ به پلي شي.
