د شهيدانو او معلولینو چارو وزارت د شهيدانو ورثه ؤ د حقوقو د تثبيت او بایومټريک نوی آمر معرفي او په کار یې پېل وکړ
په همدې موخه په جوړه شوې غونډه کې د شهیدانو او معلولینو چارو وزارت د بشري سرچینو رئیس محترم مولوي محمد موسی صدیقي، د شهیدانو چارو رئیس محترم مولوي روح الله نصرت، د معلولینو چارو رئیس محترم قاري عبدالکریم حليمي، د استخدام آمر محترم الحاج محمد انور سخي زاده، د شهيدانو ورثه ؤ د حقوقو د محاسبې آمر محترم مولوي خیرالله خیرخواه، د نشراتو آمر محترم حافظ محمد یعقوب ابوعبیده او د شهیدانو چارو ریاست کارکوونکو حضور درلود.
محترم حافظ مولوي محمدطاهر چې د شهیدانو او معلولینو چارو وزارت د مقام د لزوم دید له مخي د شهيدانو ورثه ؤ د حقوقو د تثبیت او بایومتریک د آمر په توګه ټاکل شوی وو، د یاد وزارت اړوند د بشري سرچینو د رئیس محترم مولوي محمد موسی صدیقي لخوا د یاد وزارت د شهیدانو چارو ریاست کارکوونکو ته ور وپیژندل شو.
د شهیدانو ورثه ؤ د حقوقو د تثبیت د نوي آمر معرفي کولو په پروګرام کې د بشري سرچینو رئیس محترم مولوي محمد موسی صدیقي خبرې وکړې او وې ویل؛ په هېواد کې اسلامي نظام د مجاهدینو په بې شمېره قربانېو باندې رامنځته شوی او موږ باید هڅه وکړو چې د شهیدانو وارثینو او معلولینو ته د قدر وړ خدمتونه وړاندې کړو.
هغه همداراز وويل: د یوه حکومت د چارو د پرمخ بیولو لپاره یو مشخص چوکاټ او میکانیزم شتون لري چې د هغه پر اساس د خلکو ستونزې حل کیږي او په بیلابیلو برخو کې هغوی ته خدمتونه وړاندې کیږي او کله چې ورسپارل شوې چارې د شته اصولو له مخې ترسره نه شي او یا هم بی غوري وشي، نو خامخا به د حکومت په چارو کې بی نظمي رامنځته شي، زموږ دنده ده چې د منظور شوي پلان سره سم خپل مسؤلیتونه په پوره اخلاص ترسره کړو.
هغه همداراز د ورسپارل شويو دندو په ترسره کولو کې د سلسلې مراتبو مراعاتول، د اړوندې ادارې د مشر د اوامرو څخه اطاعت، مشورې او په چارو کې د همغږۍ شتون مهم او اړين وباله او نوي آمر ته يې د برياليتوب هيله څرګنده کړه.
