د شهیدانو او معلولینو چارو وزارت د یتیمانو د لومړنېو اړتیاوو د پوره کولو په موخه د زرغون لیدلوري څیړنیزې او ملاتړ
یاد هوکړه لیک د شهیدانو او معلولینو چارو وزارت د بهرنېو اړیکو او پلان رئیس محترم ملا صدوخان حق شناس او د زرغون لیدلوري څیړنیزې او ملاتړ (GVRAO) مؤسسې مسؤل محترم قدرت الله صافي تر منځ لاسلیک شو، چې د هغه له مخې به، په کابل، پروان، جوزجان، سرپل، بلخ، سمنګان، بغلان، کندز، تخار او بدخشان ولایتونو کې (۱۵۰۰) تنو یتیمانو ته نغدي مرستې ترسره شي او په دې ترتیب به، هر یتیم درې سوه (۳۰۰) امریکايي ډالره او همداراز د البسو مرستې ترلاسه کړي.
محترم ملا صدوخان حق شناس د هوکړه لیک د لاسلیک پر مهال د یادې مؤسسې له مسؤل څخه مننه وکړه او له هغه څخه یې وغوښتل چې یتیمانو، کونډو او معلولینو ته چې د ټولنې اړمن قشر دی، د لاښو خدمتونو وړاندې کولو زمینه برابره کړي.
په ورته وخت کې محترم قدرت الله صافي د یادې مؤسسې د تېرو فعالیتونو او لاسته راوړنو په هکله معلومات وړاندې کړل او یتیمانو، کونډو او معلولینو ته یې د لازیاتو مرستو د برابرولو په برخه کې د هر اړخیزې همکارۍ ژمنه وکړه.
د یادونې وړ ده چې د یادې پروژې ټولیز ارزښت (۵۵۶) زره او (۷۵۰) امریکایي ډالره کیږي چې په پورتنېو ذکر شوېو ولایتونو کې به تطبیق کړل شي.
وزارت امور شهدا و معلولین تفاهمنامۀ را به منظور رفع نیازمندی های اولیه زندگی ایتام با مؤسسه تحقیقی و حمایتی چشم انداز سبز امضأ نمود
