د شهیدانو او معلولینو چارو وزارت د مالي او اداري چارو مدیرانو ته د روزنیز ورکشاپ په لړ کې مالي او تدارکاتي موضوعات تدریس شول
یاد روزنیز ورکشاپ د مرکز او ولایتونو د پنځوسو څخه زیاتو د مالي او اداري چارو مدیرانو ته د بشري سرچینو ریاست د ظرفیت لوړونې آمریت له لوري په لاره اچول شوی چې هغوی ته د اداري اساساتو، د استخدام پروسې، د اداري مراسلاتو، پلان جوړونې، د کمپیوټر پروګرامونو سربیره نن ورځ د مالېې وزارت د مجربو استادانو له خوا مالي او تدارکاتي موضوعات تدریس شول.
د یادونې وړ ده چې د ورکشاپ ګډونوالو ته د مالي او تدارکاتي برخو د تدریس پرمهال د دې وزارت د مالي او اداري چارو عمومي رئیس محترم مولوي کلیم الله افغان، د بشري سرچینو رئیس محترم مولوي محمد موسی صدیقي د استخدام آمر محترم الحاج محمد انور سخي زاده حضور درلود.
