د شهیدانو او معلولینو چارو وزارت، یتیمانو ته د خوراکي او غیر خوراکي توکو د ویش او چمتو کولو په موخه د (ژوند د هوساینې او پرمختیا لپاره) مؤسسې سره هوکړه لیک لاسلیک کړ. دوشنبه د ۱۴۰۲کال د تلې ۳مه یاد هوکړه لیک د شهیدانو او معلولینو چارو وزارت د بهرنیو اړیک
یاد هوکړه لیک د شهیدانو او معلولینو چارو وزارت د بهرنیو اړیکو او پلان رئیس ښاغلي ملا صدو خان حق پرست او (ژوند د هوساینې او پرمختیا لپاره) مؤسسې له رئيس ښاغلي محمد نعیم روحانی ترمنځ لاسلیک شو چې د هغه له مخې به د ننګرهار اولغمان ولایتونو کې دوه سوه او دري دیرشو (۲۳۳) تنو یتیمانو ته خوارکي مواد ( اوړه، وریجې، غوړي، دال، بوره، چای، مکروني، مالګه، لوبیا) او غیرخوراکي توکي (قرطاسیه باب) چمتو او وویشل شي.
د شهیدانو او معلولینو چارو وزارت د بهرنیو اړیکو او پلان رئیس ښاغلي ملا صدو خان حق پرست د هوکړه لیک د لاسلیک پر مهال د یادې مؤسسې له رئيس څخه مننه وکړه او له هغه څخه یې وغوښتل چې یتیمانو، کونډو او معلولینو ته چې د ټولنې اړمن قشر دی، د لا ښه خدمتونو د وړاندې کولو زمینه برابره کړي. نوموړي همداراز د یاد هوکړه لیک په تطبیق کې د هر اړخیزې همکارۍ ژمنه وکړه.
د يادونې وړ ده چې د یادې پروژې ټوليز ارزښت نه څلویښت زره او اووه سوه (۴۹۷۰۰) آمریکایي ډالره کیږي، چې د څلورو میاشتو په موده کې به بشپړه شي
