د شیهدانو او معلولینو چارو وزارت او کومک پروژې ترمنځ به ګډه همغږي او همکاري لا پیاړې او زیاته شي
شنبه/ 12 چنګاښ/ 1400 لمریز کال.
د شهیدانو او معلولینو چارو وزارت، د برنامو او همغږۍ مرستیالې اغلې صبرۍ اندړ د کمک پروژې له رئیس سره وکتل او د ګډې همغږۍ او همکارۍ پر پیاوړتیا یې خبرې وکړې.
په دې لیدنه کې، په بېلابېلو برخو کې د همغږۍ د پیاوړتیا تر څنګ او هغه برنامې چې د کمک پروژې په همکارۍ پلې کېږي، د هغو پنځو تنو تخنیکي مشاورینو په هکله چې ټاکل شوې د یادې پروژې په مرسته د وزارت په بېلابېلو برخو کې وګمارل شي هوکړه وشوه.
همدارنګه په دې ناسته کې، د کمک پروژې رئیس د شهیدانو او معلولینو چارو وزارت د کارمندانو لپاره د ظرفیت لوړولو د برنامو جوړول، په ځانګړې توګه د عامه پوهاوي، څارنې او ارزونې په برخو کې ژمنه وکړه. دواړو لوریو په مرکز او ولایتي کچه د پروژې د فعالیتونو د پلي کېدو په څارنه بحث وکړ او په دې برخه کې یې د لا همغږۍ ټینګار وکړ.
همدارنګه په دې ناسته کې د کمک پروژې د ډیټابیس سیسټم او د شهیدانو او معلولینو چارو وزارت لخوا د لېږد او تر لاسه کولو وروسته د دې سیسټم کارولو د څرنګوالي په اړه بحث وشو.
په یاده ناسته کې، د ولایتي سفرونو په اړه د عامه پوهاوي، څارنې او په ولایتي آمریتونو کې د برنامو د پلې کولو په اړه ټینګار وشو او په دې برخو کې اړوندو څانګو تخنیکي چمتووالی هم نیولی دی.
