د کونړ معلولیت لرونکو وګړو په هېواد کې د جګړی د پای او بېړني اوربند غوښتنه وکړه
د کونړ معلولیت لرونکو وګړو په هېواد کې د جګړی د پای او بېړني اوربند غوښتنه وکړه
د دیسمبر دریمه، چې د معلولیت لرونکو وکړو د نړیوالې ورځې سره سمون خوري، د کونړ ولایتي چارواکو، قومي مشرانو او معلولیت لرونکو وګړو له لوري ونماځل شوه.
د غونډې ویناوالو معلولیت لرونکو وګړو ته د ښوونیزو، روغتیایي او کاري فرصتونو رامنځته کېدو غوښتنو ترڅنګ له وسله والو طالبانو هم وغوښتل، چې هېواد کې روانه جګړه ختمه او اوربند وکړي.
د کونړ والي محمد اقبال سعید معلولیت لرونکو وګړو ته د نړیوالې ورځې مبارکۍ ویلو ترڅنګ وویل، د معلولیت لرونکو وګړو نړیواله ورځ د دوی د سیاسي، ټولنیز، فرهنګي مشارکت او اقتصادي پیاوړتیا په موخه په ټوله نړۍ کې نمانځل کېږي.
هغه معلولیت لرونکي وګړي د قدر وړ یاد کړل او ډاډ یې ورکړ، چې په ادارو کې به یې د وړتیاوو سالمه ګټه واخیستل شي.
د ولایتي شورا منشي جمال الدین سیار، دیني عالم ضیاالرحمان الله یار، مولوي عبیدالله بهاري، معلولینو اتحادیې رئیس، شهیدانو او معلولینو امر او نورو مسوولینو د ویناوو په مهال معلولیت لرونکي وګړي د قدر وړ وبلل او د دوی د مېړانو او هڅو ستایلو سربېره یې د همکاریو ډاډ ورکړ.
