د بایومتریک پروسې په تطبیق کې هر ډول همکارۍ ته ژمن یو
د بایومتریک پروسې په تطبیق کې هر ډول همکارۍ ته ژمن یو!
د تقاعد خزینې عمومي رییس محمد عمر دراني د شهیدانو او معلولینو په چارو کې د دولت وزیر ښاغلي لعل الدین آریوبي سره وکتل. ښاغلي دراني د بایومتریک سیستم د تطبیق لپاره د یادې ادارې او د شهیدانو او معلولینو په چارو کې د دولت وزارت تر منځ د همغږۍ، تخنیکي ملاتړ، معلوماتو د تبادلې او نورو اړینو همکاریو غوښتنه وکړه، وویل چې مشترک کار کولای شي یاده پروسه په ښه ډول عملي او په دې برخه کې د روڼتیا او غوره اصلاحاتو شاهدانو اوسو.
د شهیدانو او معلولینو په چارو کې د دولت وزیر ښاغلي لعل الدین آریوبي د بایومتریک پروسې په چټګ تطبیق د ټینګار تر څنګ وویل، چې یادې ادارې سره د معلوماتو د تبادلې او همغږۍ په برخه کې هر ډول همکارۍ ته چمتو دی.
ښاغلي آریوبي زیاته کړه، چې بایومتریک د فساد په مخنیوي، د مستحقو خلکو په پېژندو، روڼتیا او د دولت د بودیجې په سپما کې اغېزناک نقش لري او په هر حال کې به تطبیق شي.
