د ځاځیو ځوانانو مدني ټولنې له مشرتابه سره د شهیدانو د وارثینو او معلولیت لرونکو وګړو ستونزو ته د رسیدګي
د ځاځیو ځوانانو مدني ټولنې له مشرتابه سره د شهیدانو د وارثینو او معلولیت لرونکو وګړو ستونزو ته د رسیدګي په اړه ناسته وشوه
د ځاځیو ځوانانو مدني ټولنې مشر ښاغلي وحیدالله ویاړ او ددې ټولنې مشرتابه پلاوي د شهیدانو او معلولینو په چارو کې د دولت وزیر ښاغلي لعل الدین آریوبي سره وکتل.
ښاغلي وحیدالله ویاړ د پکتیا ولایت د معلولیت لرونکو وګړو او د شهیدانو وارثینو ستونزو ته په اشارې وویل، چې د پکتیا ولایت د ټولو شهیدانو کورنۍ او معلولین باید له دې وزارت څخه خپل حقوق او امتیازات په شفافه توګه ترلاسه کړي. نوموړي زیاته کړه، د ځاځیو ځوانانو د مدني ټولنې ځوانان ژمن دي چې د وزارت ترڅنګ ددې قشر د ملاتړ په موخه هلې ځلې وکړي.
ښاغلي لعل الدین آریوبي د یادې ټولنې د غړو له راتلو مننه وکړه وویل، چې وزارت د شهیدانو د وارثینو او معلولیت لرونکو وګړو د اقتصادي ملاتړ په موخه بیلابیل برنامې لري، د کارموندنې فرصتونه رامینځته شوي او ډیر ژر به ددوي په ژوند کې مثبت بدلون راشي.
