په کندهار ولایت کې پر (۱۰۰) تنو معلولینو باندې مرستې ووېشل شوې
د کندهار ولایت د شهیدانو او معلولینو چارو ریاست د همدرد خیریه مؤسسې سره په همغږۍ د معلولینو د لاسنیوي او ملاتړ په موخه پر (۱۰۰) تنو معلولیت لرونکو وګړو باندې نغدي مرستې ووېشلې، چې هر مستحق (۳۱۸۰) افغانۍ ترلاسه کړې.
د مرستو د وېش پر مهال د کندهار ولایت د شهیدانو او معلولینو چارو رئیس محترم حاجي ملا عبدالقاهر فېروز، د یاد ریاست مرستیال محترم حاجي ملا اختر محمد او د خیریه مؤسسې مسؤلینو شتون درلود.
محترم الحاج ملا عبدالقاهر فېروز د یادې خیریه مؤسسې له مسؤلینو څخه د مننې ترڅنګ، د یتیمانو او معلولیت لرونکو وګړو لپاره یې د لا زیاتو مرستو برابرولو غوښتنه وکړه.
په ورته وخت کې معلولیت لرونکو وګړو هم د کندهار ولایت د شهیدانو او معلولینو چارو ریاست له مرستو خوښي څرګنده کړه.
