په لوګر ولایت کې پر (۲۰۰) تنو مستحقو یتیمانو باندې د مرستو وېش
د لوګر ولایت د شهیدانو او معلولینو چارو ریاست د (ZFA) خیریه مؤسسې سره په همغږۍ د یتیمانو د لاسنیوي او ملاتړ په موخه، پر (۲۰۰) تنو مستحقو یتیمانو باندې مرستې چې په هغه کې دوه بوری اوړه، درې بوتله غوړي، وریجې، نور خوراکي مواد، د حفظ الصحې توکي او قرطاسیه باب شامل وو، په شفاف او منظم ډول پر مستحقو کسانو باندې ووېشل شول.
د یادونې وړ ده چې د مرستو د وېش پر مهال د لوګر ولایت د شهیدانو او معلولینو چارو ریاست مسؤلینو او د خیریه بنسټ استازو شتون درلود او د مرستو د وېش له بهیر څخه یې نظارت ترسره کړ.
