د څارنې او ارزونې پلاوي په کنړ ولایت کې د شهیدانو او معلولینو چارو ریاست له کړنو او فعالیتونو څخه ارزونه ترسره کړه
د شهیدانو او معلولینو چارو وزارت د څارنې او ارزونې رئیس محترم محمد صابر ځواک په مشرۍ یو پلاوي د مرکز او ولایتونو د راپورونو د تحلیل او توحید آمر محترم مولانا نورالدین صاحبزاده او د ولایتونو د تطبیقي پلانونو څخه د څارنې او ارزونې مسلکي غړي محترم خیبر شېرزاد په ملتیا کنړ ولایت ته سفر وکړ، هلته یې د شهیدانو او معلولینو چارو ریاست له کاري بهیر او ترسره شویو کړنو څخه هر اړخیزه ارزونه ترسره کړه.
یاد پلاوي د شهیدانو ورثه وو او معلولینو ته د خدمتونو وړاندې کولو څرنګوالی، د یتیمانو، کونډو او معلولینو د تثبیت او ثبت بهیر او همداراز هغوی ته د میاشتني نغدي مساعدتونو د ورکړې پروسې څخه هر اړخیزه ارزونه ترسره کړه، شته ستونزې او نیمګړتیاوې په نښه کړې او د حل په موخه یې د اړوند ریاست کارکوونکو ته لازمې لارښوونې وکړې.
د یادونې وړ ده چې د څارنې او ارزونې پلاوي تر دې وړاندې د نورستان ولایت د شهیدانو او معلولینو چارو ریاست له ترسره شویو کړنو او کاري بهیر څخه هم ارزونه ترسره کړې وه.
