په ننګرهار ولایت کې د یتیمانو کورنیو ته د کورونو جوړولو په موخه قرعه کشي ترسره شوه
د ننګرهار ولایت د شهیدانو او معلولینو چارو ریاست له لوري څه موده وړاندې د یتیمانو کورنیو لپاره د کورونو جوړولو په موخه سروې ترسره شوې وه.
د یادې سروې په پايله کې له ۱۲۶ کورنیو څخه ۴۶ کورنۍ مستحقې ګڼل شوې وې، چې د هغوی ترمنځ قرعه کشي وشوه.
د قرعهکشي په ترڅ کې د یتیمانو (۹) کورنۍ وټاکل شوې او د هغوی لپاره به د (۲۸۸۰۰) امریکایي ډالرو په ارزښت په بټي کوټ ولسوالۍ کې کورونه جوړ شي هر کور به یو اطاق، یوه آشپزخانه او یو تشناب ولري.
د یادې قرعه کشي پر مهال د ننګرهار ولایت د شهیدانو او معلولینو چارو رئیس محترم محمد صابر ځواک او د اچ اچ ار ډي نړیوالې مؤسسې د پروګرامونو مسؤل ذبیح الله شېرزاد هم شتون درلود.
