په لغمان ولایت کې یو سل او شل (۱۲۰) تنو مستحقو یتیمانو، کونډو او معلولینو د خوراکي توکو مرستې ترلاسه کړې
د (HHRD) خیریه مؤسسې له خوا د لغمان ولایت د شهيدانو او معلولینو چارو رياست سره په همغږۍ یو سل او شل (۱۲۰) تنو مستحقو یتیمانو، کونډو او معلولینو ته شپږ قلمه خوراکي توکي چې په هغه کې اوړه، غوړي، وريجې، بوره، مالګه او لوبیا شامل وو، وویشل شول.
د یادو مرستو د ویش پر مهال د لغمان ولایت د شهيدانو او معلولینو چارو رئيس محترم الحاج فیض الله جواد د هغو خیریه بنسټونو او مؤسسو څخه مننه وکړه چې یتیمانو، کونډو او معلولینو سره مرستې ترسره کوي.
نوموړي همداراز ډاډ ورکړ چې دې مظلوم او اړمن قشر ته د مرستو په راجلبولو کې به خپلې هر اړخیزې هڅې جاري وساتي.
