په کاپیسا ولایت کې د فني او حرفوي زده کړو د ښوونکو لپاره زده کړه ئيز ورکشاپ پیل شو
د کاپيسا ولايت د شهیدانو او معلولینو چارو رياست د افغان ځوانانو لپاره د روغتيايي او تعليمي مؤسسې سره همغږۍ د شهیدانو کورنیو او معلولینو لپاره د فني او حرفوي زده کړو د ښوونې په موخه د (۶۱) تنه ښوونکو لپاره زده کړه ئيز ورکشاپ پيل کړ.
د دې ورکشاپ له بشپړېدو وروسته به یاد ښوونکي په خپلو سیمو کې د شهیدانو او معلولینو کورنیو شاوخوا (۹۰۵) مستحقو کسانو ته د لسو (۱۰) میاشتو په موده کې عملي او مسلکي زده کړې وړاندې کړي. دا زده کړې به د خیاطۍ، د لبنیاتو تولید، د برېښنایي وسایلو او موبایل ترمیم په برخو کې وي.
د کاپیسا ولایت د شهیدانو او معلولینو چارو رئیس محترم مولوی ګل خان ګل محمد يادو ښوونکو ته سپارښتنه وکړه چې دا یو ایماني او انساني مسؤلیت وګڼي او په پوره اخلاص، صداقت او مسلکي توګه د زده کړو په ورکولو کې خپل مسؤليتونه اداء کړي.
