په کاپیسا ولايت کې پر (٢٠٠) مستحقو یتیمانو باندې مرستې ووېشل شوې
د کاپیسا ولایت کی د شهيدانو او معلولينو چارو رياست د (ZFA) خیریه مؤسسې سره په همغږۍ د یاد ولایت اړوند پر (۲۰۰) مستحقو یتیمانو باندې اختریزې ډالۍ ووېشلې.
د مرستو د وېش پر مهال د کاپیسا ولایت د شهيدانو او معلولينو چارو رئيس محترم الحاج مولوي ګل خان ګل محمد د یادې مؤسسې له مرستو مننه او قدرداني وکړه او د دې اړمن قشر لپاره یې د لازياتو مرستو پر برابرولو ټینګار وکړ.
په ورته وخت کې هغو مستحقو کسانو چې مرستې ترلاسه کړې وې، د شهيدانو او معلولينو چارو ریاست له مسؤلینو څخه د مننې ترڅنګ په راتلونکي کې یې د ورته مرستو غوښتنه وکړه.
