په پکتیکا ولايت کې د (٣٨٥) تنو مستحقو یتیمانو او معلولینو له کورنیو سره مرسته ترسره شوه
د پکتيکا ولايت د شهيدانو او معلولينو چارو رياست د یوې خیریه مؤسسې په مالي ملاتړ په یاد ولایت کې د شهيدانو او معلولينو پر (۳۸۵) کورنيو باندې اته (۸) ډوله خوراکي توکي چې په هغه کې اوړه، وریجې، غوړي او نور مواد شامل وو، په شفاف او منظم ډول ووېشل.
د یادو مرستو د وېش پر مهال د پکتيکا ولايت د شهيدانو او معلولينو چارو رئيس محترم مولوي محمد نبي وهاج د یادې خیریه مؤسسې له مرستو مننه وکړه او هیله یې وښوده چې ورته نور خیریه بنسټونه هم د دې اړمن قشر لپاره مرستې چمتو کړي، تر څو د هغوی اقتصادي ستونزې راکمې او غوښتنو ته یې پر وخت رسيدګي وشي.
