په پروان ولايت کې (۲۰۰) تنو مستحقو یتیمانو د خوراکي توکو مرستې ترلاسه کړې
د پروان ولايت د شهيدانو او معلولینو چارو رياست د مرسته کوونکي لاسونه د مرستې او پرمختګ لپاره خیریه مؤسسې په مالي ملاتړ په دې ولايت کې پر (۲۰۰) تنو یتیمانو باندې خوراکي توکي چې په هغه کې اوړه، غوري، وریجې، لوبیا، بوره او مالګه شامل وه ووېشل.
د یادو مرستو د وېش پر مهال د پروان ولايت د شهيدانو او معلولینو چارو رئيس محترم مولوي عبدالاحد سعد او د یادې مؤسسې مسؤلينو ګډون درلود.
مولوي عبدالاحد سعد د یادې مؤسسې له مسؤلینو څخه مننه وکړه چې له اړمنو یتیمانو سره مرستې ترسره کوي.
