په هلمند ولایت کې پر سلګونو تنو مستحقو کسانو باندې ژمنۍ مرستې ووېشل شوې
د هلمند ولایت د شهیدانو او معلولینو چارو ریاست د شهیدانو کورنيو د ملاتړ او د هغوی د لاسنیوي په موخه د همدرد خیریه مؤسسې سره په همغږۍ پر (۳۰۰) تنو مستحقو یتیمانو، کونډو او معلولینو سره د ژمنیو توکو مرستې ترسره کړې.
په همدې مهال، هغو کسانو چې د شهیدانو او معلولینو چارو ریاست له لوري ورسره مرستې ترسره شوې وې، د یاد ریاست له همکارۍ او پاملرنې څخه یې خپله خوښي څرګنده کړه، هغوی د مرستو د شفاف او پر وخت وېش ستاینه وکړه او هیله یې څرګنده کړه چې په راتلونکي کې هم د شهیدانو او معلولینو چارو ریاست له لوري ورته لا زیاتې مرستې برابرې شي.
