په هلمند ولايت کې پر (۹۰۰) تنو مستحقو کسانو باندې خوراکي مرستې ووېشل شوې
د هلمند ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت په (۹۰۰) تنو مستحقو یتیمانو، کونډو او معلولینو باندې شپږ ډوله خوراکي توکي ووېشل.
د یادو مرستو د وېش پر مهال د شهيدانو او معلولينو چارو رئیس محترم الحاج ملا صدو خان حق شناس او د مؤسسې مسؤلينو شتون درلود.
د یادونې وړ ده چې تر دې وړاندې هم په هلمند ولایت کې له سلګونو تنو یتیمانو، کونډو او معلولینو سره ورته مرستې ترسره شوې دي.
