په لوګر ولايت کې پر (۲۰۰) تنو مستحقو یتیمانو باندې مرستې ووېشل شوې
د لوګر ولايت د شهيدانو او معلولینو چارو رياست د امریکا د مسلمانانو زکات خیریه مؤسسې په مالي ملاتړ په دې ولايت کې پر (۲۰۰) تنو مستحقو یتیمانو باندې خوراکي توکي چې په هغه کې اوړه، وريجې، غوړي او همداراز په غیر خوراکي مرستو کې قرطاسیه باب او د حفظ الصحې توکي شامل وو، ووېشل.
د یادو مرستو د وېش پر مهال د لوګر ولايت د شهيدانو او معلولينو چارو رئيس محترم مولوي نیاز محمد هجرت او د یادې مؤسسې مسؤلينو حضور درلود.
محترم مولوي نیازمحمد هجرت یتیمانو ته د مرستو چمتو کولو په پار د یادې مؤسسې له مسؤلينو څخه مننه وکړه.
