په زابل ولايت کې پر (۱۵۰) تنو یتیمانو او معلولینو باندې خوراکي او غيرخوراکي توکي وویشل شول
د زابل ولايت په مرکز قلات ښار کې د سیلاب خیریه بنسټ له لوري او د دې ولایت د شهيدانو او معلولینو چارو رياست په همغږۍ پر(۱۵۰) تنو یتیمانو او معلولینو باندې خوراکي توکي چې په هغه کې اوړه، وریجې، غوړي، مالګه، بوره او په غیر خوراکي توکو کې د اختر لپاره دوه جوړې جامې او نکریزې شاملې وې، ووېشل شوې.
د یادو مرستو د وېش پر مهال د زابل ولايت د شهيدانو او معلولینو چارو رئيس محترم ملا عبدالحکیم دانش، د یاد خیریه بنسټ مسؤل محترم سيد احمد سیلاب او د یاد ولايت د مقام ویاند محترم وثیق هم حضور درلود.
د زابل ولايت د شهيدانو او معلولینو چارو رئيس د دې خیریه بنسټ له مرستو څخه مننه وکړه چې تل یې د دې اړمن قشر لاسنیوی کړی دې.
