محترم شیخ صاحب عبدالحکیم حقاني په ننګرهار ولایت کې د شهیدانو او معلولینو کورنیو سره نغدي مرسته ترسره کړه
د شهيدانو او معلولينو چارو وزارت مرستیال محترم شیخ صاحب عبدالحکیم حقاني د ننګرهار ولایت اړوند د چپرهار ولسوالۍ په غلام ډاګ کلي کې د یو شمېر شهیدانو کورنيو او معلولينو پوښتنې او لیدو ته ورغی، هغوی ته یې د خواخوږۍ او ډاډګيرنې مراتب وړاندې کړل او هرې کورنې سره یې یو اندازه نغدي مرسته هم ترسره کړه.
محترم شیخ صاحب عبدالحکیم حقاني د دې سفر پر مهال یادو کورنیو ته یې ډاډ ورکړ چې د شهیدانو وارثین او معلولین یواځې نه پرېښودل کېږي او د هغوی اقتصادي او ټولنیز وضعیت ته به لا ډیره پاملرنه وشي.
