د کندهار ولایت د معلولینو او د شهیدانو ورثې اړوندو چارو ته به رسېدنه وشي
د کندهار ولایت د معلولینو او د شهیدانو ورثې اړوندو چارو ته به رسېدنه وشي
د شهیدانو او معلولینو په چارو کي د دولت وزارت د دفتر رییس سید حامد هاشمي د کندهار والي حیات الله حیات سره وکتل او معلولینو او د شهیدانو وارثینو د حقوقو د ورکړې او ورته د لازمو اسانتیاوو رامنځته کولو په اړه یې خبري وکړې
په غونډه کی د شهیدانو وارثینو او معلولینو د اسنادو د بررسۍ بهیر چټکیتا، په خپل وخت د شهیدانو وارثینو او معلولینو ته د حقونو د ورکړې، د شهیدانو او معلولینو چارو آمریت لپاره د اداري ودانۍ ځانګړي کولو، د یاد آمریت د امنیت تامین، د شهیدانو وارثینو او معلولینو ته د برېښنايي تذکرو د ورکړې او په تحصیلي بورسونو او دولتي ادارو کي هغوی ته د کاري زمینو برابرولو او یو شمېر نورو موضوعاتو خبري وشوې.
د مرکزي احصایې مسولینو ته لارښوونه وشوه، چې د برېښنایي تذکرو په ورکړه کې باید د شهیدانو ورثې او معلولینو ته لومړیتوب ورکړل شي
سید حامد هاشمي د اسناد او وثیقو د څېړنې او ارزونې، روڼتیا تامین، برېښنایي سیستم تطبیق او نورو برخو کې د کندهار ولایت د هر اړخیزې همکارۍ او همغږۍ په ټینګښت او پراختیا تاکید وکړ.
