د کاري بهیر د لا ښه والي او د شهیدانو ورثه ؤ او معلولینو ته د غوره خدمتونو وړاندې کولو په موخه د لغمان ولایت د شهیدانو او معلولینو چارو په ریاست کې اداري غونډه جوړه شوه
یاده غونډه چې د لغمان ولايت د شهيدانو او معلولینو چارو رئيس محترم الحاج فیض الله جواد په مشرۍ جوړه شوې وه، په هغه کې د ولسوالېو او د یاد ریاست اړوند کارکوونکو ګډون کړی وو.
په دې غونډه کې د لغمان ولایت د شهیدانو او معلولینو چارو رئیس په ۱۴۰۳ مالي کال کې د یتیمانو، کونډو او معلولینو د کور په کور د تصفیې څرنګوالي په پار ګډونوالو ته ځينې مهمې لارښوونې وکړې.
همداراز محترم الحاج فیض لله جواد د ياد رياست له کارکوونکو څخه وغوښتل تر څو ورسپارل شوي مسؤلیتونه يو الهي امانت وګڼي او له هر ډول فساد، سرغړونې، غیر قانوني کارونو او غفلت څخه په کلکه ډډه وکړي.
