د څلورو ولایتونو د بانکي سازۍ راپور د وزارت مشرتابه ته وړاندې شو
د څلورو ولایتونو د بانکي سازۍ راپور د وزارت مشرتابه ته وړاندې شو
نن شنبه د (کب میاشتې ۳) د شهیدانو او معلولینو په چارو کې د دولت وزیر ښاغلي لعل الدین آریوبي ته د څلورو لایتونو د بانکي سازۍ راپور وړاندې شو.
په دې ناسته کې د مالیې وزارت، عزیزي بانک او د شهیدانو او معلولینو په چارو کې د دولت وزارت له لوري څلورو ولایتونو (ننګرهار، لغمان، تخار او بدخشان) ته استول شویو پلاوي په جلا توګه خپل راپور ورکړ.
د مالیې وزارت پلاوي وویل، چې له بدخشان پرته لغمان، ننګرهار او تخار کې د شهیدانو د ځینو وارثینو او معلولیت لرونکو وګړو له لوري نه یوازې دا چې همکاري نه کېده بلکې خنډونه او ستونزې یې جوړولې. دوی زیاته کړه، چې ځینو اسنادو ستونزې لرلې او د د ۱۳۹۹ کال تلې میاشتې پورې باید په ۲۲ ولایتونو کې ۵۰۰۰۰ زرو تنو ته بانکي کارتونه ورکړل شي.
تخار ته استول شوي پلاوي وویل، چې ۲۰۰۰ اسناد یې وڅېړل او نږدې ۲۰۰ اسناد قانوني ستونزې لرلې.
د ننګرهار پلاوي وویل چې د یاد ولایت د شهیدانو او معلولینو چارو آمریت سره له جلسې وروسته یې ۱۳۲ تنه له بانک وروسته د بانکي سازۍ پلاوي ته واستول او په اسنادو کې ستونزې موجودې وې. دوی زیاته کړه، چې ۷۵ سلنه یې اصلاح کړي دي.
د لغمان پلاوي د بانکي سازۍ په پروسه کې د نه همکارۍ په اړه وویل، چې ځیني غیر مستحق خلک د حقوقو اخیستو لپاره کمیسیون تایید کړي دي او په اسنادو کې ځینې نورې ستونزې هم موجودې وې.
ښاغلي لعل الدین آریوبي وویل، چې د بانکي سازۍ پروسه باید بریالۍ او په ولایاتو کې د همکارۍ په موخه دې د سیمه ییزو ارګانونو خپلواکې ادارې ته رسمي مکتوب واستول شي، تر څو ولایتي مسولین د بانکي سازۍ پلاوي سره هر اړخیزه همکاري او د خنډ جوړونکو مخنیوی وکړي. ښاغلي آریوبي زیاته کړه، هغه اسناد چې قانوني ستونزې لري او یا هم تر شک لاندې وي باید په هر اړخیزه توګه وڅېړل شي د ستونزې د حل په صورت کې پاس او کنه ودې ځنډول شي. ښاغلي آریوبي د ننګرهار ولایت د راپور د توحید آمر وکړ او وویل چې خپله به یې تعقیب کړي. ښاغلي آریوبي یادو څلورو لایتونو ته آمر وکړ، چې ژر تر ژره دې د بانکۍ سازۍ چارې پیل او پای ته ورسوي.
په دې ناسته کې د وزارت د مالي او حسابي چارو رییسې صفیې انوري د شهیدانو د وارثینو او معلولینو په حسابونو کې د تېرو کلونو د پاتې حسابونو په اړه هم بحث وکړ.
