د پکتیا ولایت د شهیدانو او معلولینو چارو په ریاست کې د ولسوالېو اړوند مدیرانو ته روزنیز ورکشاپ دایر شو
یاد ورکشاپ چې د پکتیا ولایت د شهیدانو او معلولینو چارو رئیس محترم مولوي محمد نبي محمدي په حضور کې په لاره اچول شوی وو، په هغه کې د اته ولسوالېو اړوند مدیرانو ته د شهیدانو او معلولینو چارو وزارت د رهبرۍ د نوې پریکړې پر بنسټ، د تثبیت او ثبت شویو یتیمانو، کونډو او معلولینو د بیاځلې تصفیې په اړه لازمې لارښوونې وشوې او د ډیټابیس له مخې د پورتنېو کسانو لیستونه ترتیب او د تصفیې او پلټنې په موخه اړوندو مدیرانو ته وسپارل شول.
همداراز د یاد ورکشاپ په ترڅ کې اړوند مدیرانو ته د ادارې او مدیریت په برخو کې د ظرفیت لوړونې په موخه لازمې لارښوونې وشوې او د کلني پلانونو ترتیب شوي فارمټونه هم دوی ته وویشل شول تر څو د هغه پر بنسټ خپلې دندې تنظیم کړي.
