د پنجشېر ولایت په آبشار ولسوالۍ کې د شهیدانو ورثه وو او معلولینو د اسنادو د بررسۍ بهیر پېل شو
د پنجشېر ولایت د شهیدانو او معلولینو چارو رئیس محترم مولوي کمال الدین رحیمي په مشرۍ پلاوي، د یتیمانو، کونډو او معلولینو د تثبیت او ثبت په بهیر کې د پوره شفافیت د تأمین په موخه، د یاد ولایت په آبشار ولسوالۍ کې د شهیدانو ورثه وو او معلولینو د اسنادو د بررسي پروسه پېل کړه.
یاد پلاوی به، د شهیدانو او معلولینو چارو وزارت د منظور شوې طرحې پر بنسټ، د یتیمانو، کونډو او معلولینو د اسنادو سروې او ارزونه په دقیق او هر اړخیز ډول ترسره کړي، تر څو مستحق کسان له غیر مستحقو کسانو څخه په سمه توګه جلا شي.
دا هم باید وویل شي چې یاد پلاوي تر دې وړاندې د پنجشېر ولایت په عنابه او پریان ولسوالیو کې هم د یتیمانو، کونډو او معلولینو د اسنادو څخه ارزونه ترسره کړې وه.
